Darlithydd yn y Gyfraith – Addysgu ac Ymchwil (Gradd 7/8)
Ysgol y Gyfraith a Gwleidyddiaeth
Mae Ysgol y Gyfraith a Gwleidyddiaeth ym Mhrifysgol Caerdydd yn ceisio penodi un Darlithydd (Gradd 7) neu Uwch-ddarlithydd yn y Gyfraith (Gradd 8) ar y llwybr Addysgu ac Ymchwil, gydag arbenigedd mewn Cyfraith Breifat a/neu Gyfraith Fasnachol.
Rydym yn croesawu ceisiadau gan unigolion dawnus ac ymrwymedig sy’n gweithio mewn unrhyw faes yn y Gyfraith. Mae gennym ddiddordeb penodol mewn clywed gan ymgeiswyr y byddai eu harbenigedd yn gwella ein haddysgu a’n cryfderau academaidd mewn cyfraith fasnachol, cyfraith breifat ac eiddo, cyfraith feddygol neu gyfraith gyhoeddus.
Rydym yn chwilio am gydweithwyr sy’n angerddol dros addysg gyfreithiol ac yn ymroi i gynnig profiad rhagorol i fyfyrwyr. Bydd gan ymgeiswyr llwyddiannus hanes cryf o ragoriaeth mewn addysgu ac ysgolheictod, neu botensial clir ar gyfer hynny. Rydym yn croesawu ystod eang o ddiddordebau ysgolheigaidd, gan gynnwys ysgolheictod gyfreithiol, addysg gyfreithiol, ac Ysgolheictod Dysgu ac Addysgu sylweddol.
Bydd yr ymgeiswyr llwyddiannus hefyd yn cyfrannu at ein rhaglenni israddedig ac ôl-raddedig drwy addysgu ysbrydoledig, cymorth a goruchwyliaeth i fyfyrwyr, ac yn helpu i lunio bywyd academaidd ehangach yr Ysgol. Byddant hefyd yn cydweithio â chydweithwyr ledled y Brifysgol ac yn cyfrannu at y gwaith o gynnal yr Adran a’r Ysgol yn effeithiol.
Swydd benagored yw hon a gall fod ar gael ar sail amser llawn neu ran-amser. Bydd cynigion i weithio’n hyblyg neu rannu’r swydd yn cael eu hystyried. Rydym yn croesawu ceisiadau gan ymgeiswyr sy’n chwilio am waith amser llawn neu ran-amser, neu sydd eisiau gweithio’n hyblyg neu rannu swydd, yn amodol ar ofynion gweithredol
Cyfeiriwch unrhyw ymholiadau sy’n ymwneud â'r swydd at Bennaeth yr Ysgol drwy e-bostio
[email protected]
Cyflog:
£52,788 - £57,666 y flwyddyn (Gradd 7) neu
£62,994 - £68,817 y flwyddyn (Gradd 8)
Fel arfer, bydd pobl a benodir ym Mhrifysgol Caerdydd yn dechrau ar waelod y raddfa gyflog berthnasol, heblaw o dan amgylchiadau eithriadol.
Dyddiad hysbysebu: Dydd Gwener, 20 Tachwedd 2026
Dyddiad cau: Dydd Sul, 6 Rhagfyr 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.
Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco, sy'n golygu y byddwn, wrth wneud penderfyniadau cyflogi a dyrchafu, yn gwerthuso ymgeiswyr ar sail safon eu hymchwil, nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo. Ceir rhagor o wybodaeth yma: Asesu ymchwil yn gyfrifol - Ymchwil - Prifysgol Caerdydd