Uwch-gynghorydd AD
Datblygu'r Sefydliad a'r Staff
Adnoddau Dynol
Gwasanaethau Proffesiynol
Rydym yn chwilio am Uwch Gynghorydd Adnoddau Dynol i weithio o fewn Datblygu'r Sefydliadol a'r Staff.
Bydd deiliad y swydd yn chwarae rhan allweddol yn natblygiad, gweithrediad a gwelliant parhaus fframwaith gwobrwyo'r Brifysgol yn ystod cyfnod o drawsnewid sefydliadol.
Bydd gan yr ymgeisydd llwyddiannus brofiad sylweddol mewn dadansoddeg gwobrwyo, iawndal, cynlluniau gwerthuso swyddi ac AD o fewn sefydliad cymhleth (mae AU yn ddymunol) gyda dealltwriaeth gref o egwyddorion Cydraddoldeb, Amrywiaeth a Chynhwysiant a chyflog cyfartal ar waith. Profiad amlwg o gefnogi dylunio ac adolygu strwythur cyflog.
I gael ymholiadau anffurfiol am y swydd, cysylltwch â Ying-Ying Ho ([email protected]).
Mae'r swydd yma yn llawn amser (35 awr yr wythnos) am gyfnod penodol o flwyddyn ac mae ar gael ar unwaith.
Mae'r mwyafrif o swyddi ym Mhrifysgol Caerdydd yn gweithredu o dan drefniadau "gweithio cyfunol" ar hyn o bryd, gyda’r hyblygrwydd i staff weithio yn rhannol o adref ac yn rhannol o gampws y Brifysgol yn dibynnu ar ofynion busnes penodol. Gall trafodaethau ynghylch y trefniadau hyn gael eu cynnal ar ôl penodi'r ymgeisydd llwyddiannus.
Cyflog: £41,064 - £46,049 y flwyddyn (Gradd 6). Ym Mhrifysgol Caerdydd, penodir fel arfer ar waelod y raddfa gyflog ac eithrio o dan amgylchiadau eithriadol.
Mae Prifysgol Caerdydd yn cynnig llawer o fanteision rhagorol, gan gynnwys 45 diwrnod o wyliau blynyddol, pro rata i weithwyr rhan amser (gan gynnwys gwyliau banc), cynllun penwin lleol, cynllun beicio i'r gwaith a mentrau teithio eraill, a mwy. Mae'n lle cyffrous a bywiog i weithio, gyda llawer o heriau gwahanol ac mae'n gefnogwr Cyflog Byw balch.
Dyddiad hysbysebu: Dydd Gwener, 24 Gorffennaf 2026
Dyddiad cau: Dydd Gwener, 7 Awst 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.