Cymrodoriaeth Ymchwil Fferylliaeth Gymunedol
Yr Ysgol Fferylliaeth a’r Gwyddorau Fferyllol, Prifysgol Caerdydd
Rydym yn chwilio am Fferyllwyr Cymunedol llawn cymhellant sydd wedi’u cofrestru gyda’r Cyngor Fferyllol Cyffredinol (GPhC) i weithio yn yr Ysgol Fferylliaeth a'r Gwyddorau Fferyllol Prifysgol Caerdydd fel Cymrawd Ymchwil Cymunedol. Bwriad y cyfle cyffrous hwn yw meithrin gallu ac arweinyddiaeth mewn ymchwil fasnachol ac academaidd a ddarperir mewn lleoliadau gofal sylfaenol a chymunedol, i fynd i'r afael yn uniongyrchol â blaenoriaeth allweddol Llywodraeth Cymru i gynyddu ymchwil fferylliaeth gymunedol a chyflymder cyflenwi cysylltiedig ledled Cymru.
Bydd yr ymgeisydd llwyddiannus yn fferyllydd cymunedol sy’n ymarfer yng Nghymru gyda dealltwriaeth glir o strwythur gofal sylfaenol ledled GIG Cymru. Mae gradd mewn fferylliaeth (MPharm neu gyfwerth) yn hanfodol, yn ogystal â chofrestriad llawn â’r Cyngor Fferyllol Cyffredinol (GPhC). Rhaid i ddeiliad y swydd fod â diddordeb mewn cyflawni ymchwil neu arweinyddiaeth ymchwil a bod yn barod i gefnogi ymchwil fasnachol ac academaidd mewn fferyllfeydd cymunedol.
Gan weithio mewn amgylchedd academaidd ac ymarfer amlddisgyblaethol, byddwch yn gwneud y canlynol:
• Cefnogi’r gwaith o ymgysylltu â fferyllfeydd cymunedol mewn ymchwil fasnachol ac academaidd
• Cefnogi fferyllfeydd unigol i ddatblygu modelau y gellir eu hehangu ar gyfer cyflawni ymchwil yn y gymuned
• Gweithio'n agos gyda phartneriaid academaidd a rhwydweithiau ymchwil i leihau rhwystrau at gymryd rhan mewn ymchwil fasnachol ac academaidd
• Meithrin arbenigedd personol mewn methodoleg ymchwil, prosesau rheoleiddio, a chyflawni ymchwil
• Cyfrannu at allbynnau sy'n cyd-fynd â blaenoriaethau cenedlaethol, gan gynnwys adroddiadau, cyhoeddiadau, a datblygu cyllid
• Cymryd rhan mewn rhaglen o weithgareddau datblygu proffesiynol sy'n meithrin eich sgiliau a'ch arbenigedd wrth gyflawni ymchwil
• Meithrin partneriaethau academaidd cryf drwy gydweithio a chyfrannu at addysgu ac ymchwil yn yr Ysgol, y Brifysgol ehangach a
Rhwydwaith Cyflawni Gofal Sylfaenol ac Ymchwil Gymunedol Cymru
Mae'r swydd yn cynnig amser gwarchodedig, mentoriaeth strwythuredig, cyfleoedd datblygu pwrpasol, a chyllideb datblygu proffesiynol hael i fferyllwyr cymunedol sydd â diddordeb mewn cyflawni ymchwil a chynyddu'r potensial yng Nghymru i fod yn arweinydd mewn ymchwil fferylliaeth gymunedol.
Pam dylech ymuno â ni?
• Cewch fod yn rhan o raglen strategol genedlaethol sy'n cefnogi uchelgais Cymru i ddod yn lleoliad blaenllaw ar gyfer ymchwil glinigol fasnachol ac academaidd mewn fferylliaeth gymunedol
• Gweithio mewn Ysgol gefnogol iawn sydd â hanes cryf o ymchwil ym maes gofal sylfaenol
• Cewch brofiad ymarferol ar ryngwyneb y byd academaidd, gofal sylfaenol, gofal eilaidd a’r diwydiant
• Cyfle i ddatblygu sgiliau a fydd yn cefnogi rolau yn y dyfodol ym maes arweinyddiaeth ymchwil, y byd academaidd, neu ymarfer ymchwil weithredol
Amdanoch chi
Rydym yn awyddus i glywed gan fferyllwyr cymunedol sy’n bodloni’r canlynol:
• Cofrestriad llawn gan y GPhC ac yn ymarfer yng Nghymru ar hyn o bryd
• Diddordeb mewn cyflawni ymchwil neu arweinyddiaeth ymchwil
• Cymhelliad i gefnogi ymchwil fasnachol ac academaidd mewn fferyllfeydd cymunedol
• Gwerthfawrogiad o gydweithio gyda phartneriaid academaidd, clinigol ac yn y diwydiant
Croesewir profiad ymchwil blaenorol ond nid yw'n hanfodol; mae brwdfrydedd, chwilfrydedd, ac ymrwymiad i wella mynediad ymchwil yn y gymuned yn allweddol.
Swydd ran-amser (28 awr yr wythnos, sy’n cyfateb i bedwar diwrnod yr wythnos) yw hon am gyfnod penodol o 24 mis.
Lleolir y swydd hon yn Adeilad Redwood, Prifysgol Caerdydd ac yn y gymuned
Disgwylir y bydd y Gymrodoriaeth yn cael ei chynnig fel trefniant secondiad, ac felly, bydd angen awdurdod gan eich cyflogwr presennol cyn gwneud cais.
Rydym yn eich annog i gael sgwrs anffurfiol am y rôl a/neu gymhwysedd yn unol â’ch statws cyflogaeth presennol gyda’r Athro Efi Mantzourani:
[email protected]
Cyflog:
Agored i drafodaeth, yn seiliedig ar drefniant cyflog presennol.
Dyddiad hysbysebu: Dydd Iau, 16 Gorffennaf 2026
Dyddiad cau: Dydd Iau, 6 Awst 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Cewch gyflwyno cais yn Gymraeg, ac ni chaiff cais a gyflwynir yn Gymraeg ei drin yn llai ffafriol na chais a gyflwynir yn Saesneg.