Swyddog Ymestyn yn Ehangach
Mae cyfle cyffrous wedi codi i fod yn Swyddog Ymestyn yn Ehangach yn y tîm Ehangu Cyfranogiad.
Bydd yr ymgeisydd llwyddiannus yn unigolyn llawn cymhelliant sy'n gyfrifol am ddatblygu a rhoi rhaglen o weithgareddau ar waith i gynulleidfaoedd blaenoriaethol Ymestyn yn Ehangach. Mae angen sgiliau a phrofiad rhwydweithio, cydweithio ac ymarfer, gan fod y gwaith yn cynnwys cydweithio â’r timau Ymestyn yn Ehangach ym Mhrifysgol De Cymru a Phrifysgol Metropolitan Caerdydd, myfyrwyr a staff academaidd, ac amrywiaeth o bartneriaid a rhanddeiliaid allweddol mewn cymunedau ledled de-ddwyrain Cymru. Bydd y sgiliau hyn yn cael eu defnyddio i sefydlu brand Ymestyn yn Ehangach a datblygu a chyflawni rhaglen o weithgareddau. Mae angen sgiliau trefnu a chyfathrebu cryf i reoli cyllideb, rhoi cyngor ac arweiniad proffesiynol ar brosesau a gweithdrefnau partneriaeth, a chasglu, mewnbynnu a dadansoddi data. Mae hefyd yn bwysig myfyrio er mwyn gwerthuso rhaglenni yn effeithiol.
Mae Ymestyn yn Ehangach yn rhaglen bartneriaeth a ariennir gan Medr gyda’r nod o ddenu mwy o bobl i addysg uwch drwy fynd i’r afael â rhwystrau at fynediad i addysg uwch, yn ogystal â’r rhwystrau i wneud cynnydd a llwyddo ynddi. Rydym yn cyflawni hyn drwy gynnig cyfres o ymyriadau hirdymor sy'n cefnogi’r gwaith o godi cyrhaeddiad, yn cynnig gwybodaeth, cyngor ac arweiniad ac yn cynorthwyo dilyniant i addysg uwch a dysgu ar lefel 4 i grwpiau blaenoriaeth wedi'u targedu.
Bydd deiliad y swydd yn ymarferydd effeithiol yn y gwaith o lunio, cyflwyno a gwerthuso rhaglenni ar ran y brifysgol i bartneriaid allanol a mewnol, gan reoli portffolio o raglenni fel y prif ymarferydd ar gyfer y maes gwaith hwn yn y brifysgol sy’n eich cyflogi.
Swydd amser llawn (35 awr yr wythnos) am gyfnod penodol yw hon, hyd at 31 Awst 2027.
Cyflog: £33,951 - £36,636 y flwyddyn (Gradd 5).
Os hoffech chi drafod y swydd, cysylltwch â Rachel Leighton, Pennaeth Ehangu Cyfranogiad, gan e-bostio [email protected].
Yn unol â’n hymroddiad i gydraddoldeb, amrywiaeth a chynhwysiant, byddwn yn ystyried ceisiadau i rannu swydd/gweithio llai o oriau. Nodwch hyn yn eich cais.
Bydd peth elfen o godi a chario wrth osod/dad-osod cyfarpar mewn digwyddiadau yn ogystal â pharatoi a dosbarthu deunyddiau ar gyfer digwyddiadau a gohebiaeth drwy’r post.
Bydd angen gwiriad boddhaol gan y Gwasanaeth Datgelu a Gwahardd wedi ichi gael eich penodi.
Mae'r rôl wedi'i lleoli yn Sbarc, ar Gampws Cathays. Mae'r tîm yn gweithio yn y swyddfa ar ddydd Llun a dydd Mawrth a gartref am weddill yr wythnos. Fodd bynnag, mae achlysuron rheolaidd pan fydd gofyn i'r tîm fod ar y campws, neu mewn mannau eraill, o ddydd Mercher i ddydd Gwener (e.e. i gefnogi digwyddiadau) felly mae angen dull hyblyg. Efallai y bydd gofyn i ddeiliad y swydd weithio gyda’r nos neu ar benwythnosau. Bydd angen teithio o amgylch de-ddwyrain Cymru i fynd i gyfarfodydd a digwyddiadau.
Dyddiad hysbysebu: Dydd Gwener, 7 Awst 2026
Dyddiad cau: Dydd Sul, 23 Awst 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd du, Asiaidd ac ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.