Darlithydd Dyfodol Proffesiynol mewn Pensaernïaeth

Darlithydd Dyfodol Proffesiynol mewn Pensaernïaeth

Mae Ysgol Pensaernïaeth Cymru yn dymuno penodi Darlithydd Dyfodol Proffesiynol mewn Pensaernïaeth. Bydd deiliad y swydd yn darparu addysgu o safon ym maes ymarfer proffesiynol, gyda phwyslais penodol ar drin a thrafod sut y gall ymarfer pensaernïol esblygu o fewn diwydiant adeiladu sy'n newid a chyd-destun cymdeithasol ehangach. Bydd y rôl yn cynnwys cyfrannu at ymchwil ac ysgolheictod sy'n helpu i lunio agendâu'r dyfodol o fewn y proffesiwn, gan gynnwys drwy ddatblygiad addysgegol astudiaethau proffesiynol yn yr Ysgol. Bydd yr ymgeisydd llwyddiannus yn cefnogi myfyrwyr i ddatblygu sgiliau a gwybodaeth broffesiynol briodol ar lefelau israddedig a/neu ôl-raddedig.

Swydd lawn amser yw hon (35 awr yr wythnos).

Cyflog: £51,753 - £56,535 y flwyddyn (Gradd 7)

I gael ymholiadau anffurfiol am y swydd, cysylltwch â Prof. Andrew Roberts [email protected]

I gael rhagor o wybodaeth am weithio ym Mhrifysgol Caerdydd, cysylltwch â: Lucy Forrester [email protected]

Dyddiad hysbysebu: Dydd Mercher, 5 Awst 2026

Dyddiad cau: Dydd Sul, 23 Awst 2026

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol.  Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran.  Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.