Cydymaith Ymchwil, CASCADE
Mae Ysgol Gwyddorau Cymdeithas Prifysgol Caerdydd yn ceisio recriwtio Cydymaith Ymchwil i weithio yn y Ganolfan Ymchwil a Datblygu Gofal Cymdeithasol Plant (CASCADE), Canolfan Ymchwil sydd wedi'i lleoli yn yr Ysgol
Yn y rôl hon Cynnal gwaith ymchwil o ansawdd uchel a dadansoddi data drwy ddefnyddio data gweinyddol cysylltiedig. Byddwch hefyd yn cyfrannu at berfformiad ymchwil cyffredinol y Ganolfan Ymchwil a Datblygu Gofal Cymdeithasol i Blant (CASCADE),
Rydym yn gwahodd ceisiadau ar gyfer Cymrawd Ymchwil amser llawn i ymuno â'n tîm ymchwil cyfeillgar a chynhwysol ym Mhrifysgol Caerdydd (ynghyd â chydweithwyr o Brifysgol Bryste ac ATD Fourth World) i weithio ar ein prosiect newydd a ariennir gan y Sefydliad Cenedlaethol ar gyfer Ymchwil Iechyd a Gofal (NIHR). Swydd am gyfnod o ddwy flynedd yw hon mewn astudiaeth tair blynedd o hyd sy'n ceisio datblygu dull o ymdrin â 'niwed i blant' sy’n seiliedig ar systemau cymhleth.
Mae'r prosiect hwn yn astudiaeth uchelgeisiol sy’n cynnwys dulliau cymysg. Ei nod yw ymchwilio i ddefnyddioldeb dulliau iechyd cyhoeddus er mwyn deall ac ymateb i niwed i blant yng nghyd-destun dull system gyfan. Gan ddefnyddio cysyniadau a dulliau sydd wedi hen ennill eu plwyf ym maes iechyd y cyhoedd, bydd y prosiect yn cyfrannu at wybodaeth fethodolegol, damcaniaethol ac empirig mewn polisïau, arferion ac ymchwil gofal cymdeithasol. Bydd yr astudiaeth hon yn ychwanegu at wybodaeth drwy ddisgrifio'r system niwed i blant yn ei chyfanrwydd, nodi'r ffynonellau data sy'n caniatáu i’r system honno gael ei disgrifio a’i monitro, yn ogystal â dealltwriaeth well o benderfynyddion cymdeithasol 'niwed i blant' ac anghydraddoldebau mewn deilliannau. Ar ben hynny, gallai’r astudiaeth agor gorwelion methodolegol a chysyniadol newydd ym maes ymchwil gofal cymdeithasol.
Mae'r swydd hon yn llawn amser (35 awr yr wythnos) cyfnod penodol am gyfnod o 24 mis ac ar gael ar unwaith.
Cyflog: £41,064 - £46,049 y flwyddyn (Gradd 6), gyda gynyddrannau blynyddol hyd at cyflog terfynol ar frig y raddfa. Fel arfer, mae apwyntiadau newydd yn cael eu gwneud ar ddechrau'r raddfa gyflog.
Yn gyfrifol am Dr Martin Elliott, Prif Ymchwilydd
Am drafodaeth anffurfiol am y rôl, cysylltwch â Martin,
[email protected]
Mae Prifysgol Caerdydd yn cynnig llawer o fanteision rhagorol, gan gynnwys 45 diwrnod o wyliau blynyddol (gan gynnwys gwyliau banc), gweithio cyfunol (sy'n golygu y byddwch yn gallu gweithio gartref am beth o'ch amser), cynllun beicio i'r gwaith a mentrau teithio eraill, cynyddiadau blynyddol i fyny'r raddfa gyflog, a mwy. Mae'n lle cyffrous a bywiog i weithio, gyda llawer o heriau gwahanol ac mae'n gefnogwr Cyflog Byw balch.
Ni yw’r brifysgol fwyaf yng Nghymru – ac rydym yn gyflogwr o bwys, sydd â thros 7,000 o staff. Rydym yn sefydliad uchelgeisiol ac arloesol mewn prifddinas hardd a llewyrchus. Gallwn gynnig cyfle i chi weithio mewn sefydliad bywiog sy’n cynnig buddion gwych a chyfleoedd i chi ddatblygu eich gyrfa.
Dyddiad hysbysebu: Dydd Mercher, 8 Gorffennaf 2026
Dyddiad cau: Dydd Mercher, 29 Gorffennaf 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.
Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco, sy'n golygu y byddwn, wrth wneud penderfyniadau cyflogi a dyrchafu, yn gwerthuso ymgeiswyr ar sail safon eu hymchwil, nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo. Ceir rhagor o wybodaeth yma: Asesu ymchwil yn gyfrifol - Ymchwil - Prifysgol Caerdydd