Mewnol yn Unig - Uwch-gymrawd Ymchwil Canolfan Polisi Cyhoeddus Cymru

Mae'r swydd hon ar agor i weithwyr Prifysgol Caerdydd yn unig ar hyn o bryd.  Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Ymgeiswyr Mewnol yn Unig – Uwch-gymrawd Ymchwil

 Canolfan Polisi Cyhoeddus Cymru

Mae Canolfan Polisi Cyhoeddus Cymru (CPCC) yn gwahodd ceisiadau am Uwch Gymrawd Ymchwil i ymgymryd â rôl arwain yn y Ganolfan, gan gymryd lle'r Cyfarwyddwr Polisi ac Ymarfer presennol (Gwasanaethau Cyhoeddus). Bydd yr ymgeisydd llwyddiannus yn ymuno â grŵp rheoli'r Ganolfan, ac yn rhannu cyfrifoldeb am lunio ei chyfeiriad yn y dyfodol.

Gan weithio'n agos gyda gweinidogion ac uwch arweinwyr gwasanaethau cyhoeddus, byddwch yn gyfrifol am arwain a chefnogi timau ymchwil o fewn y Ganolfan, yn ogystal â chomisiynu a chydweithio ag arbenigwyr allanol blaenllaw.  Byddwch yn darparu tystiolaeth ac arbenigedd annibynnol, ansawdd uchel i fynd i'r afael â rhai o'r heriau economaidd, amgylcheddol a chymdeithasol mwyaf dybryd sy'n wynebu Cymru. Mae hwn yn gyfle unigryw i weithredu ar ryngwyneb ymchwil a pholisi, gan sicrhau bod tystiolaeth gadarn yn cael ei throsi'n ddirnadaeth ymarferol sy'n llywio penderfyniadau ac yn gwella canlyniadau gwasanaethau cyhoeddus.

Mae hon yn rôl uwch o fewn y Ganolfan, sy'n cynnig y cyfle i arwain rhaglenni ymchwil ac ymgysylltu, rheoli timau a phartneriaethau, a chyfrannu at gyfeiriad strategol gwaith y Ganolfan. Byddwch yn gweithio wrth galon trafodaethau polisi cyfredol, gan feithrin perthnasoedd cryf â llunwyr polisi ac ymarferwyr, ac yn ffurfio datblygiad a chyflawni ymchwil a gweithgarwch polisi effeithiol.

Caiff Canolfan Polisi Cyhoeddus Cymru ei chyd-ariannu gan y Cyngor Ymchwil Economaidd a Chymdeithasol a Llywodraeth Cymru, ac mae’n pontio'r bwlch rhwng y byd academaidd a pholisi drwy gynhyrchu, cyfuno a defnyddio tystiolaeth a geir drwy ymchwil. Rydym yn aelod o Rwydwaith What Works, ac wedi derbyn cydnabyddiaeth ryngwladol am ein dull arloesol yn seiliedig ar alw o ddefnyddio tystiolaeth a gwybodaeth. Mae rhagor o fanylion ar gael yma: https://wcpp.org.uk/cy/.

Mae CPCC yn cynnig amgylchedd gwaith ysgogol, cydweithredol a chefnogol. Rydym yn darparu trefniadau gweithio hyblyg, cynllun pensiwn a phecyn buddion hael, a mynediad at ystod eang o gyfleoedd hyfforddi a datblygu. Mae'r rôl wedi'i lleoli yn SBARC, Parc Ymchwil Gwyddorau Cymdeithasol cyntaf y byd, ar Gampws Arloesi Prifysgol Caerdydd sydd werth £300 miliwn.

Mae hon yn rôl lawn amser tan ddiwedd y tymor grant presennol ar 31 Mawrth 2028. Rydym yn agored i drefniadau rhannu swydd a gweithio hyblyg, megis oriau cywasgedig. 

Cyflog: £61,823 - £67,468 y flwyddyn (Gradd 8)

Anogir ymgeiswyr sydd â diddordeb i gysylltu â Chyfarwyddwr y Ganolfan, Dan Bristow: dan.bristow@ wcpp.org.uk

Mae Ysgol Busnes Caerdydd yn ysgol fusnes a rheoli flaenllaw yn y DU, yn cynnal achrediadau AACSB ac AMBA ac yn y 1af safle 1af am ei Hamgylchedd Ymchwil a'i 2il ar Bŵer Ymchwil (REF2021). Mae gan yr Ysgol bwrpas Gwerth Cyhoeddus ac mae'n canolbwyntio ar gyd-greu addysg a gwybodaeth o ansawdd uchel, rhyngddisgyblaethol sy'n darparu gwerth economaidd, cymdeithasol ac amgylcheddol. Mae gweithgareddau'r Ysgol yn gogwyddo tuag at bum Her Fawr: Gwaith gweddus, economïau teg a chynaliadwy, sefydliadau yn y dyfodol, llywodraethu da, ac arloesedd cyfrifol.

Dyddiad cau: Dydd Llun, 27 Gorffennaf 2026

Nid yw ceisiadau allanol yn cael eu hystyried ar gyfer y swydd hon ar hyn o bryd.  Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais - cadwch olwg ar y dudalen am fanylion.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol.  Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran.  Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae Prifysgol Caerdydd wedi llofnodi Datganiad San Francisco ar Asesu Ymchwil (DORA), sy'n golygu y byddwn, mewn penderfyniadau llogi a hyrwyddo, yn gwerthuso ymgeiswyr ar ansawdd eu hymchwil, nid metrigau cyhoeddi na hunaniaeth y cyfnodolyn y cyhoeddir yr ymchwil ynddo. Mae rhagor o wybodaeth ar gael yn: Asesiad ymchwil cyfrifol - Ymchwil - Prifysgol Caerdydd

Nodyn pwysig: Polisi'r Brifysgol yw defnyddio manyleb y person fel arf allweddol ar gyfer rhestru byr. Dylai ymgeiswyr ddangos eu bod yn bodloni'r HOLL feini prawf hanfodol yn ogystal â'r rhai dymunol, lle bo hynny'n berthnasol. Fel rhan o'r broses ymgeisio, gofynnir i chi ddarparu'r dystiolaeth hon drwy ddatganiad ategol. Sicrhewch fod y dystiolaeth yr ydych yn ei darparu yn cyfateb i'r meini prawf wedi'u rhifo a amlinellir uchod (eg ID:468) . Bydd eich cais yn cael ei ystyried yn seiliedig ar y wybodaeth a ddarperir gennych o dan bob elfen. Os byddwch chi'n cael eich rhestru ar gyfer cyfweliad ac hoffech drafod unrhyw addasiadau rhesymol ar gyfer y broses gyfweld, cysylltwch â [email protected] .