Cymdeithion Ymchwil mewn Seryddiaeth Allalaethol
Ysgol Ffiseg a Seryddiaeth Caerdydd
Mae'r grŵp seryddiaeth ym Mhrifysgol Caerdydd yn chwilio am geisiadau i lenwi a swydd Cydymaith Ymchwil Ôl-ddoethurol mewn astroffiseg allalaethol, i weithio gyda'r Athro Matt Smith.
Bydd y prosiect yn defnyddio setiau data o JCMT (e.e. HASHTAG/DOWSING), ALMA (e.e. KILOGAS), JWST, a chyfleusterau eraill, ar y cyd ag offer modelu i fesur priodweddau ffisegol mewn galaethau. Bydd y mesuriadau hyn yn cael eu defnyddio i ymchwilio i sut mae'r cyfrwng rhyngserol yn amrywio (er enghraifft sut mae priodweddau llwch oer yn newid ar draws galaeth), a sut mae'r amgylchedd yn effeithio ar y broses ffurfio sêr ar raddfeydd o ddegau o barsecau i giloparsecs.
Rydym yn chwilio am ymchwilwyr sydd â hanes sefydledig mewn seryddiaeth allalaethol, yn enwedig wrth ddadansoddi setiau data mawr, arsylwadau aml-donfedd, a'r defnydd o olrhain nwy a llwch, yn ogystal â phrofiad mewn modelu ystadegol.
Bydd y cymdeithion ymchwil yn gweithio ar draws grŵp Seryddiaeth Caerdydd ac yn cydweithio'n agos ag ymchwilwyr sy'n gweithio ar esblygiad galaethau, ffurfio sêr, efelychiadau a gwyddoniaeth arolwg mawr. Mae aelodau eraill o grwpiau ymchwil cysylltiedig yng Nghaerdydd yn chwarae rolau blaenllaw wrth fodelu a chanfod tonnau disgyrchiant, uwchnofâu, ffurfio seren ac adeiladu telesgopau’r ddaear a'r gofod y genhedlaeth nesaf.
Yn y cais, dylech gynnwys llythyr eglurhaol, CV a datganiad ymchwil (3 tudalen ar y mwyaf) gan gynnwys gwybodaeth am waith blaenorol a phresennol ar y cyd â chynlluniau ar gyfer y dyfodol. Sicrhewch eich bod wedi darllen y manylebau swydd a'ch bod yn nodi sut rydych yn cyflawni’r rhain yn eich cais. Gofynnir i chi hefyd enwebu dau ganolwr a fyddai'n gallu darparu llythyr geirda.
Mae'r swyddi hon y amser llawn, ar gael o fis Hydref 2026 ac yn gyfnod penodol o 3 blynedd.
Cyflog: £41,064 – £46,049 y flwyddyn (Gradd 6). Ni ragwelir y bydd yr ymgeisydd llwyddiannus yn cael ei benodi ar fwy na £41,064 y flwyddyn, pwynt 6.32.
Am ymholiadau anffurfiol am y swydd, cysylltwch â'r Dr Matthew Smith ([email protected])
Am ymholiadau anffurfiol am weithio ym Mhrifysgolfa Ffiseg ac Astroffiseg Caerdydd, cysylltwch â [email protected]
PWYSIG: Tystiolaeth o Fodloni'r Meini Prawf
Dylai ymgeiswyr ddangos tystiolaeth o fodloni'r HOLL feini prawf hanfodol, yn ogystal â'r meini prawf dymunol lle bo'n berthnasol.
Yn rhan o’r broses ymgeisio, bydd gofyn i chi roi’r dystiolaeth hon ar ffurf datganiad ategol. Wrth gyflwyno'r ddogfen hon neu ei hatodi i broffil eich cais, dylech sicrhau mai cyfeirnod y swydd yw enw’r ddogfen.
Dyddiad hysbysebu: Dydd Mawrth, 4 Awst 2026
Dyddiad cau: Dydd Llun, 7 Medi 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Mae Prifysgol Caerdydd wedi llofnodi Datganiad San Francisco ar Asesu Ymchwil (DORA), sy'n golygu y byddwn, wrth wneud penderfyniadau i gyflogi a dyrchafu, yn gwerthuso ymgeiswyr ar sail safon eu hymchwil, ac nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo. Cewch ragor o wybodaeth yma: Asesu ymchwil yn gyfrifol - Ymchwil - Prifysgol Caerdydd
Gellir cyflwyno ceisiadau yn Gymraeg, ac ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg. Rydym yn croesawu ceisiadau yn y Gymraeg yn fawr.