Ymchwilydd Cyfnod Cynnar (ESR) Marie Sklodowska-Curie mewn Ecoleg Rhwydwaith ac Amrywiaeth Ymateb
Ysgol y Biowyddorau
Mae amrywiaeth ymateb yn disgrifio'r ffyrdd gwahanol y mae unigolion, rhywogaethau neu grwpiau swyddogaethol yn ymateb i newid amgylcheddol ac mae'r cysyniad yn cael ei gydnabod fwyfwy fel sbardun allweddol yng ngwydnwch ecosystemau. Felly, mae deall a hyrwyddo amrywiaeth ymateb yn hanfodol er mwyn gwarchod bioamrywiaeth a chefnogi ecosystemau gwydn mewn byd sy'n newid.
Mae Prifysgol Caerdydd yn gwahodd ceisiadau ar gyfer rôl Ymgeisydd Doethurol yn Rhwydwaith Gweithredu Doethurol ReDiLEEP Marie Skłodowska-Curie. Mae ReDiLEEP yn dod â phrifysgolion blaenllaw, sefydliadau ymchwil, a phartneriaid anacademaidd Ewrop a thu hwnt ynghyd i hyrwyddo ymchwil am amrywiaeth ymateb a throi gwybodaeth newydd yn bolisïau rheoli systemau, adfer a bioamrywiaeth.
Bydd yr Ymgeisydd Doethurol yn cyfrannu at yr ymdrech hon drwy ymchwilio i amrywiaeth ymateb ar draws ecosystemau. Yn benodol, bydd yn canolbwyntio ar ddatblygu dulliau monitro er mwyn ymchwilio i amrywiaeth ymateb yn y byd go iawn.
Mae Prifysgol Caerdydd am benodi Ymchwilydd Cyfnod Cynnar yn yr Is-adran Organebau a'r Amgylchedd ar gyfer prosiectau ymchwil cydweithredol 'A yw rhyngweithiadau biotig yn homogeneiddio ymatebion ac yn lleihau amrywiaeth ymateb?' ym Mhrosiect Gweithredu Marie Sklodowska-Curie Horizon2020 yr UE: "ReDiLEEP" Defnyddio gwybodaeth am amrywiaeth ymateb a yrrir gan wyddoniaeth i drosoli cadwraeth ac adfer ecosystemau effeithlon. Mae ReDiLEEP yn dod â phrifysgolion blaenllaw, sefydliadau ymchwil, a phartneriaid anacademaidd Ewrop a thu hwnt ynghyd i hyrwyddo ymchwil am amrywiaeth ymateb a throi gwybodaeth newydd yn bolisïau rheoli systemau, adfer a bioamrywiaeth.
Yn rhan o'r swydd, bydd yr ymgeisydd llwyddiannus yn cael ei gofrestru fel ymgeisydd staff ar gyfer PhD ym Mhrifysgol Caerdydd. Bydd myfyrwyr PhD ESR yn elwa o raglen hyfforddi bwrpasol ym meysydd arbenigedd amrywiol partneriaid y consortiwm.
Amodau symudedd rhyngwladol ymchwilwyr: Bydd ymchwilwyr yn ymgymryd â secondiadau trawsgenedlaethol (h.y. symud o un wlad i'r llall). Ar adeg eu dewis gan y sefydliad sy’n lletya, ni ddylai ymchwilwyr fod wedi byw nac wedi cyflawni eu prif weithgaredd (gwaith, astudiaethau, ac ati) yn y DU am fwy na 12 mis yn y 3 blynedd yn syth cyn eu recriwtio. Nid ystyrir arosiadau byr fel gwyliau. Ni ddylai'r ymgeiswyr fod wedi ennill gradd doethuriaeth eto a dylent fod â llai na 4 blynedd o radd M.Sc. neu gyfwerth.
Iaith Saesneg: Mae'n ofyniad y bydd ymgeiswyr yn dangos bod eu gallu i ddeall a mynegi eu hunain yn Saesneg ysgrifenedig a llafar yn ddigonol iddynt gael y budd llawn o hyfforddiant y rhwydwaith, ac i gychwyn ar ddoethuriaeth mewn Prifysgol yn y DU.
Swydd amser llawn (35 awr yr wythnos) yw hon, ac mae ar gael o 1 Ebrill 2027 am gyfnod penodol o 3 flynedd.
Os oes gennych chi ymholiadau anffurfiol, cysylltwch â Dr Frederic Windsor - [email protected]
Rhagwelir y bydd y cyflog blynyddol sylfaenol rhwng £34,610 a £38,784 y flwyddyn, a bydd yr union gyflog yn cael ei gadarnhau ar ôl penodi. Yn ogystal â chyflog sylfaenol, mae swyddi Ymchwilwyr Cyfnod Cynnar Marie Sklodowska-Curie yn denu lwfansau byw a symudedd hefyd, gan ddibynnu ar amgylchiadau unigol.
Dyddiad hysbysebu: Dydd Mawrth, 13 Hydref 2026
Dyddiad cau: Dydd Mawrth, 10 Tachwedd 2026
Bydd y cyfweliadau’n cael eu cynnal yn ystod yr wythnos sy'n dechrau ar 16 Tachwedd 2026 ar Microsoft Teams.
Meini prawf cymhwysedd ESR
Ni ddylai ymgeiswyr fod wedi byw nac wedi cyflawni eu prif weithgaredd (gwaith, astudiaethau, ac ati) yn y DU am fwy na 12 mis yn y cyfnod o 3 blynedd yn union cyn dyddiad dechrau’r ymchwil PhD.
Dylai ymgeiswyr am swyddi PhD ESR fod ym 4 blynedd gyntaf (cyfwerth ag amser llawn) eu gyrfa ymchwil a heb fod wedi derbyn doethuriaeth eto. Mesurir y cyfnod 4 blynedd hwn o ddyddiad cwblhau’r radd a fyddai’n rhoi’r hawl ffurfiol i ddechrau gwneud doethuriaeth.
Rhaid i ymgeiswyr gadarnhau a bod yn barod i roi tystiolaeth eu bod yn bodloni meini prawf cymhwysedd Marie Sklodowska-Curie fel y nodir isod.
Amodau symudedd rhyngwladol ymchwilwyr: Mae'n ofynnol i ymchwilwyr ymgymryd â symudedd trawsgenedlaethol (h.y. symud o un wlad i'r llall) wrth ymgymryd â'r penodiad. Ar adeg eu dewis gan y sefydliad sy’n lletya, ni ddylai ymchwilwyr fod wedi byw nac wedi cyflawni eu prif weithgaredd (gwaith, astudiaethau, ac ati) yn y DU am fwy na 12 mis yn y 3 blynedd yn syth cyn eu recriwtio. Nid ystyrir arosiadau byr fel gwyliau.
*Mae rhaglen Marie Sklodowska-Curie yn cynnig cyflog ac amodau gwaith hynod gystadleuol a deniadol. Bydd yr ymgeiswyr llwyddiannus yn derbyn cyflog yn unol â rheoliadau Marie Sklodowska-Curie ar gyfer ymchwilwyr cyfnod cynnar a phrofiadol.
Bydd y cyflog union yn cael ei gadarnhau ar ôl penodi. Yn ogystal â'u prosiectau gwyddonol unigol, bydd pob cymrawd yn elwa o addysg barhaus bellach, a fydd yn cynnwys interniaethau a secondiadau ac amrywiaeth o fodiwlau hyfforddi, yn ogystal â chyrsiau sgiliau trosglwyddadwy a chyfranogiad gweithredol mewn gweithdai a chynadleddau.