Cynorthwyydd Ymchwil

Cynorthwyydd Ymchwil

Yr Ysgol Seicoleg

Rydym yn dymuno penodi Cynorthwyydd Ymchwil i’n helpu i gyfrannu at brosiect ymchwil 5 mlynedd hynod gyffrous a fydd yn datblygu triniaethau newydd ar gyfer iselder ac Anhwylder Straen Wedi Trawma (PTSD) drwy drin y cof yn ystod cwsg.  Bydd y rôl hon yn canolbwyntio ar archwilio'r defnydd o dechnegau Ailysgogi'r Cof mewn ffordd wedi'i Dargedu (TMR) mewn cwsg i leddfu Iselder.  Mae'r rôl hon yn gofyn am hyblygrwydd i weithio mewn amgylchedd hybrid, gan gyfuno gwaith o'r cartref â gweithgareddau labordy ar y safle. Gall rhai arbrofion labordy olygu bod angen bod yn bresennol dros nos.  Yn ystod y swydd hon, efallai y cewch y cyfle i wneud cais i ddilyn PhD

Ariennir y prosiect gan Ymddiriedolaeth Wellcome gyda grant aml-ganolfan dan arweiniad Penny Lewis, sy’n arbenigo mewn astudio’r hyn y mae cwsg yn ei wneud i’n hatgofion, ac mae wedi’i leoli yng Nghanolfan Delweddu Ymchwil yr Ymennydd Prifysgol Caerdydd (CUBRIC).

Canolfan Delweddu Ymchwil yr Ymennydd Prifysgol Caerdydd (CUBRIC) yw un o’r sefydliadau niwrowyddoniaeth â’r offer gorau yn Ewrop, gyda 3 sganiwr MRI, gan gynnwys sganiwr 7T a Connectom, MEG, labordai EEG, labordy ysgogi’r ymennydd, ac wrth gwrs y labordy blaengar ar gwsg.  Mae Canolfan Genedlaethol Iechyd Meddwl Cymru wedi'i lleoli drws nesaf i'r adeilad sy'n ein galluogi i weithio'n agos gyda nhw. Mae’r grŵp Niwrowyddoniaeth a Seicoleg Cwsg (NaPS) wedi’i leoli yn CUBRIC, ac mae’n cynnal ymchwil sy’n arwain y byd ar effeithiau cwsg ar brosesau gwybyddol. 

Os oes gennych ymholiadau anffurfiol, cysylltwch â Penny Lewis: [email protected] (rhowch deitl y swydd Peirianneg Cwsg ym mhwnc yr e-bost)

Swydd amser llawn yw hon (24.5 awr yr wythnos) am gyfnod penodol tan 31 Mai 2029. 

Croesewir ceisiadau am secondiad – os ydych yn aelod o staff Prifysgol Caerdydd sydd â diddordeb yn y swydd hon ar sail secondiad, bydd yn rhaid i chi sicrhau caniatâd gan eich Rheolwr Llinell presennol cyn gwneud cais.

Cyflog: £33,951 – £36,636 y flwyddyn, pro-rata (Gradd 5).
Ym Mhrifysgol Caerdydd, bydd unigolion fel arfer yn dechrau ar waelod y raddfa gyflog, ac eithrio o dan amgylchiadau eithriadol.

Mae Prifysgol Caerdydd yn cynnig llawer o fanteision rhagorol, gan gynnwys 45 diwrnod o wyliau blynyddol pro rata (yn cynnwys gwyliau banc), cynllun pensiwn lleol, cynllun beicio i'r gwaith a mentrau teithio eraill, cynyddrannau blynyddol o fewn y raddfa gyflog, a mwy. Dyma le cyffrous a bywiog i weithio lle ceir llawer o heriau gwahanol ac rydym yn falch o gefnogi’r Cyflog Byw.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth yn ogystal â chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol.  Felly, rydym yn croesawu ymgeiswyr o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran.  Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol yng ngweithlu'r Brifysgol, fel y rhai sy'n nodi eu bod yn LHDT+, o gefndiroedd du, Asiaidd ac ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu’r swydd. 

Cewch gyflwyno cais yn Gymraeg, ac ni chaiff cais a gyflwynir yn Gymraeg ei drin yn llai ffafriol na chais a gyflwynir yn Saesneg.

Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco, sy'n golygu y byddwn, wrth wneud penderfyniadau cyflogi a dyrchafu, yn gwerthuso ymgeiswyr ar sail safon eu hymchwil, nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo. Ceir rhagor o wybodaeth yma:  Asesu ymchwil yn gyfrifol - Ymchwil - Prifysgol Caerdydd