Darlithydd mewn Portiwgaleg
Ysgol y Dyniaethau Byd-eang
Mae cyfle cyffrous wedi codi i Ddarlithydd Portiwgaleg ymuno ag Ysgol y Dyniaethau Byd-eang. Bydd y rôl hon yn ymgymryd â llwyth addysgu llawn, gan gynnwys datblygu, cyflwyno a gwerthuso modiwlau a rhaglenni yn rhan o ddarpariaeth israddedig ac ôl-gymhwyso Astudiaethau Portiwgaleg a Lwsoffoneg yr Ysgol. Bydd yr addysgu’n canolbwyntio’n bennaf ar fodiwlau iaith Portiwgaleg, a’r modiwl diwylliant y Byd Portiwgaleg ei iaith mewn Cyd-destun Byd-eang, yn ogystal ag ymgymryd â goruchwylio prosiectau YA a seminarau, canllawiau a marcio cyfieithiadau o Bortiwgaleg i Saesneg. Bydd yr ymgeisydd llwyddiannus yn goruchwylio myfyrwyr ar waith prosiect, ac yn cyflawni dyletswyddau gweinyddol yn y maes gwaith yn ôl yr angen. Dilyn rhagoriaeth addysgu ac ysbrydoli pobl eraill i wneud yr un fath.
Mae'r swydd hon yn llawn amser (35 awr yr wythnos), yn gyfnod sefydlog tan 11 Ionawr 2027 tan 31 Gorffennaf 2027.
Mae Prifysgol Caerdydd yn cynnig llawer o fanteision rhagorol, gan gynnwys 45 diwrnod o wyliau blynyddol (gan gynnwys gwyliau banc), gweithio cyfunol (sy'n golygu y byddwch yn gallu gweithio gartref am beth o'ch amser), cynllun beicio i'r gwaith a mentrau teithio eraill, cynyddiadau blynyddol i fyny'r raddfa gyflog, a mwy. Mae'n lle cyffrous a bywiog i weithio, gyda llawer o heriau gwahanol ac mae'n gefnogwr Cyflog Byw balch.
Gellir anfon ymholiadau annffurfiol mewn perthynas 'r broses recriwtio/ ymgeisio at [email protected].
Cyflog: £52,788 - £57,666 y flwyddyn (Gradd 7). Rydym yn rhagweld y bydd y swydd hon yn dechrau ar waelod y raddfa.
Dyddiad hysbysebu: Dydd Iau, 22 Hydref 2026
Dyddiad cau: Dydd Sul, 8 Tachwedd 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan y rhai o grwpiau nad ydynt wedi’u cynrychioli’n ddigonol o fewn gweithlu'r Brifysgol, fel y rhai sy'n uniaethu fel LGBT+, o gefndiroedd ethnig leiafrifol neu'r rhai ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd.
Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.