Darlithydd – Addysgu ac Ysgolheictod Nyrsio Plant
Ysgol y Gwyddorau Gofal Iechyd
Oherwydd absenoldeb mamolaeth deiliad presennol y swydd, mae Ysgol y Gwyddorau Gofal Iechyd yn chwilio am Ddarlithydd amser llawn i ymuno â'r tîm Nyrsio Plant.
Yn y swydd hon, byddwch yn cael cefnogaeth i gynnig addysg o ansawdd uchel a byddwch yn cyfrannu at ddatblygiad ein rhaglenni addysg. Byddwch yn cefnogi myfyrwyr i ddatblygu sgiliau allweddol ar lefelau israddedig a/neu ôl-raddedig. Bydd yr ymgeisydd llwyddiannus yn anelu at gyflawni rhagoriaeth wrth addysgu ac mewn ysgolheictod.
Rydym yn chwilio am unigolyn sydd â brwdfrydedd dros addysg arloesol sy'n canolbwyntio ar y myfyriwr. Dylech fod yn drefnus, yn gydweithredol ac yn meddu ar rinweddau arweinyddiaeth.
Dylai'r ymgeisydd llwyddiannus fod â gradd ôl-raddedig ar lefel doethuriaeth mewn maes pwnc cysylltiedig neu arbenigedd clinigol perthnasol, a bod wedi’u cofrestru’n gyfredol fel Nyrs Cofrestredig gyda’r Cyngor Nyrsio a Bydwreigiaeth. Byddwn yn gofyn am wiriad uwch o gofnodion troseddol.
Yn rhan o’u cyfnod prawf, bydd unigolion yn cael cefnogaeth i gymryd rhan yn rhaglenni Cymrodoriaethau Addysg Prifysgol Caerdydd. Ar ddiwedd y rhaglen, byddwch yn cael eich achredu’n Gymrawd.
Croesewir ymholiadau anffurfiol a gellir eu cyfeirio at Suzanne Hughes, Pennaeth Proffesiynol Academaidd Nyrsio drwy
[email protected].
Cynigir y swydd hon ar Radd 6 neu Radd 7. Mae’n swydd amser llawn (35 awr yr wythnos) ac am gyfnod penodol o 7 Rhagfyr 2026 tan 3 Rhagfyr 2027
Lleolir y swydd ym Mharc y Mynydd Bychan.
Mae'r mwyafrif o swyddi ym Mhrifysgol Caerdydd yn gweithredu o dan drefniadau "gweithio cyfunol" ar hyn o bryd, gyda’r hyblygrwydd i staff weithio yn rhannol o adref ac yn rhannol o gampws y Brifysgol yn dibynnu ar ofynion busnes penodol. Mae modd trafod y trefniadau hyn ar ôl penodi'r ymgeisydd llwyddiannus.
Wrth wneud cais am y swydd hon, nodwch y Radd yr hoffech wneud cais amdani.
Cyflog:
£41,064 - £46,049 y flwyddyn (Gradd 6) neu
£51,753 - £56,535 y flwyddyn (Gradd 7).
Ym Mhrifysgol Caerdydd, bydd unigolion fel arfer yn dechrau ar waelod y raddfa gyflog, ac eithrio o dan amgylchiadau eithriadol.
Mae Prifysgol Caerdydd yn cynnig llawer o fanteision rhagorol, gan gynnwys 45 diwrnod o wyliau blynyddol pro rata (yn cynnwys gwyliau banc), cynllun pensiwn lleol, cynllun beicio i'r gwaith a mentrau teithio eraill, cynyddrannau blynyddol o fewn y raddfa gyflog, a mwy. Dyma le cyffrous a bywiog i weithio lle ceir llawer o heriau gwahanol ac rydym yn falch o gefnogi’r Cyflog Byw.
Dyddiad hysbysebu: Dydd Mercher, 21 Hydref 2026
Dyddiad cau: Dydd Mercher, 4 Tachwedd 2026
Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth yn ogystal â chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ymgeiswyr o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran. Rydym yn croesawu ac yn annog ceisiadau yn arbennig gan bobl o grwpiau nad ydynt wedi’u cynrychioli’n ddigonol yn rhan o weithlu'r Brifysgol, megis y rheini sy'n uniaethu’n LHDTC+, o gefndiroedd Ethnig Leiafrifol neu'r rheini sydd ag anableddau. Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu’r swydd.
Cewch gyflwyno cais yn Gymraeg, ac ni chaiff cais a gyflwynir yn Gymraeg ei drin yn llai ffafriol na chais a gyflwynir yn Saesneg.